كم انت كبير يامسي

دا باص في خطـ. ستة
ومسي والشبكة
معقول مسي يلعبها برا الشبكة في مدرجات الحرية والتغيير الفاضية
والتحكيم دولي والانقاذ باي باي والكيزان. لحقو امات طه
مسي يا يركب قدام هو ناسو يا تتدكا. ودا حقو الطبيعي
وشغال تمارين من 89.
وشباكنا نضيفة من 89
الفرق كلها سواء كان الشيوعي ماخد دستة في برلمان نيفاشا
وجهمورو ما قدر يشجع
لحد ما الجنوب انفصل
والاتحادي بتاع مولانا عامل غمران
شغال بفتح للمؤتمر الوطني في المباريات. نظام اي تعادل بكسبو
في النهايه اولادهم الحاكمين بس همهم مسي ما يجيب قووووون.
لانو مولانا انا. ماسمعت صوتو من زمن امونة بت الضو حية الله يرحمها ويدخلا الجنة
وحركات دارفور شغال تجدع الحجارة في مستطيل الصراع المدني السلمي الاخضر
مسي ما عندو مشكلة صبور بلعب ليك الباص الانتا دايرو ومحل دايرو بالمقاس
لكن لو عملت رايح وبقيت اناني وبقيت تفرفر نظام داير تاكلو هنك
بخليك تجيب قووون في نفسك وتتشطب في اقرب فك تسجيلات وتتطلع من الحياة السياسة من الباب الضيق. اسألو مبارك الفاضل
ما قبل كم سنة شغال اغتيال شخصية في مسي في الجرايد وقال كورتو فكت
هسع ما سكت هو ذاتو اليومين ديل بشجع في مسي.
والله مسي دا مدرسة
مسي السياسة السودانية ما قال للشيوعين دوري الاعتصام دوري باروكة ساي. ما ببقى شعر وانو الليل ما ببقى للعريان هدوم
المفروض كان يفهمو بعد دوري الاعتصام دا ينتهي
واطاتهم اصبحت.الجلحات والصلع ظهرت. الشيوعيين عملو ندوة في دنقلا جوها خمستاشر نفر فيهم خمسة احباب. شتمو مسي وحزب الامة الخمسة شالوها موووزة خلوهم عشر بس بي بتاع الساوند
تاني تمشو دنقلا
الشيوعيين والجمهوريين والبعثيين الواحد منهم تدي كف ولا تقول اعمل ليهو ندوة
لانو الباروكة بتقع
والشعر( عزل اجتماعي)اي شعرة في حتة
عدم الشعر ما عيب لكن العيب تكون قايل الباروكة شعر طبيعي
وتحسد غيرك عشان شعرو طويل

خلاهم زي الحرامي الخشا بيت عزابة
ختة يدو في الحيطة مسك سلك كهرباء. اول جاحة عملها كورك صحي العزابة.
بقت عليهو حد الكهربا وحد السرقة
الشيوعيين امسكو الخشب بس
ما عندكم حل
الخطيب ما سكت صديق يوسف ما سكت
الدقير ما راحت ليهو.
مسي زول كاسات معقول يلعب في دوري الحرية والتغيير ميدانو كل حفر
زميلك في الفريق يعمل معاك فاول وناس الفريق التاني يعملو معاك فاولات بنية شلوت اي حاجة
بي دا كلو في لاعبين لا عندهم كدارة ولا شورتات ولا فنايل زي ناس (حزب البعث) حداشر ما تامين وحارس ما عندهم ولعبهم عنصري. شغالين يرشو التحكيم بس هسع في النهائي وعندهم اعضاء في المجلس السيادي معقولة
في ناس(منظمات المجتمعات) . اساسا ما عندهم علاقة بالكورة لبسوهم فنايل مع صفارة الحكم قالو ليهم مسي دايرنو يافي نقالة يا في المقابر. هم ما بعرفو و لمسة القاتلة مسي بلعب لفت رايت غير الرأسيات. كووورة موروثة مسي يتنفس كوووورة مسي مكرس حياتو للكووورة ما عندو شغلة غيرها
معقولة يتغلب من لعيبة ما بتمارس سياسة الا لما تكون برا الشبكة وشغالة بي منطق
يا نحن يا البلد تروح في ستين داهية نحن والله ما مابينكم لكن انتو كيسكم فاضي وحنكم ومجلي
سينين ما. بجن سوا سكر وسياسة.
وزيدو عليها سرقة
ما خليتو الواطة تصبح زي الناس كوشتو علي كل حاجة زول واحد تلقاهو شغالة في دستة وظائف فرقكم والكيزان شنو
مسي شغال جهجهة في باكات الكيزان 30 سنة. كم مرة كسرو ركبتو في سجن كوبر دا غير احكام الاعدام و مصادرات الاملاك وافقار ناسو .
تحصدو ساي هملة!!! المال!!!!. السايب عشان تتعلمو فيهو السرقة. امشو اسألو الكيزان قولو ليهم مسي بنقدر? ? بقولو ليكم شغالين فيهو 30 سنة اغتيال شخصية وسجون في النهاية نحن في كوبر مافاهمين حاجة.

(مسي). عندو جمهوري تذاكر مبارياتو بتكمل بدري الدنيا كلها شافت لما ختا الكوووورة واطا وودقش الولايات خلا المايشتري يتفرج خلا الاطرش يغني
وعندو مدافع سنتر باك صلب يا. كراعك يا الكووورة
ماشاء الله عبقرية في الهجوم وماشاء الله على الدفاع
قال شيوعيين قال قال كيزان. والله مسي اختو دربو
تبارو تشرب ما ترووو عينا باردة
حمدوك اكتر زول مستفيد من ابداع مسي وريمونتادة. التجميد لانو عارف نفسو ركب ماسورة في حبوبة اسماء
ووزير الاعلام المنطط عيونو زي الحرامي ليهو. سنة برجف والبت الجمهورية ووزير الصحة الماسورة كاتل كم زول. بسبب قفيل المستشفيات لانو حرمهم من حقهم في الرعاية الصحية
والله اهل الميتين. يفتحو فيهو بلاغات تاني ما يدقها الا في كوبر ويمكن هناك ذاتو يتسلف كدارة من اللمبي
لكن والله يا الشيوعيين والبعثيين والجمهوريين ايامكم باسطة وقشطة والتحية من للحبيب باسطة رد غربته
محظوظيين مع رمضان خامينها خم المابعرفكم يقول بتقيمو الليل السنة الفاتت ضربتو قرووووش
(الاعتصام) والسنة دي جاتكم (كورونا) ناس تموت وناس تغنى
معقولة (8 مليون دولار بند و. ميزانية توعية) دا غير البنود التانية طبعا بند( السنة ) بطلع كروبات ساي
نحن قاعدين في البيوت محبوسين حبسة العروس الفلس. مطلع زيتنا لا جات كورونا كتلتنا ولا طلعنا اشتغلنا
لكن قسما عظما اي قرش اكلتوه بتطرشوه وحتلحقو الكيزان في
كوبر حقنا ما بنخلي
مسي. مسي مسي. مسي مسي قووووووون.