لازم تقيف

الحرب حرابة
مانقيف في بابا
هَبويُة وسلمى ولين
حالفات: مابنقيف في بابا
وطارن زي الفراش
رَكّنْ في سحابة
حَكَنْ للقمرا
عن البيوت وخرابا
في كل فريق..
مناحة.. وحُزن.. وكآبة
تايهين نازحين في البلدان
ماعارفين الحرب وأسبابا
مُناهم
رجوعم للمدارس
كل بت شايلة كِتابا
تضحك تقالد وتبكي مع أصحابا
مناهل مشتاقين..
وآية.. وحديث عُلا الجذابة
مشتاقين..
وستِ هالة إنتِ وين
جات أهلا بيها حبابا
والمديرة أماني
تحية للعلم
وطن شامخ في محرابا
الحرب
لازم تقيف
نمنع النزيف
لي سودان نظيف
لا غش ولا زيف
حرب البلد تاني الله ما جابا
هَبويُة وسلمى ولين
حمامات سلام
يَنادْن يَناجْن يهاتن
دموعن في خدودن
متين ترجع لينا يا بابا
والحرب أبدًا ما حبابا
= =
محمد الأمين جاموس
أغسطس 2023