لااازم تقيف

الحرب لااازم تقيف
خضنا بحر الدم الحرام
ونحن لسه دابنا في القيف
نمشي وين ماشال الغمام
المنامة وجدة وجنيف
مامهم وين يبقي المقام
المهم ياصاحي ككيف؟؟
الحمام يدينا السلام
وينحسر مد النزيف
وبكرة برق القبلي لو شال
يبقي بركة وخير الخريف
غيمة لي حميد وقدال
وغيمة لي محجوب شريف
وكل طيب وود حلال
ما ولق بي أيدو في الزيف
وبرضو وأجب سترة الحال
لو نزل في ساحتن ضيف
من سبيط النخل الطوال
ومن طرف ساقيتنا عيش ريف
كمدة من حق العيال
للصغار في زمزم رغيف
لاااازم تقيف