دبابيس من صحف اليوم

? الصحافة:
?? الخارجية: السلطات تتحرى مع متهمين بمقتل الضابط النيجيري.
? الله يستر لا تكون بوكو حرام ليها يد في الموضوع

? الصحافة:
?? والي القضارف: لا وجود (لتجارة البشر) بالولاية.
? اشمعنا ؟ ماعندكم هنايين؟

? الصحافة:
?? مسؤول أممي يصل اليوم لتقييم الأوضاع الإنسانية.
? غايتو لو طلع عندو ذمه حا يدينا صفر من عشرة، ويكتب لنا قابلني.

? الصحافة:
?? الكاروري: “الكسل” وغياب العروض المجزية وراء كساد الذهب والتهريب.
? نسيت (الكذب) وسيبرين الروسيه.

? أخبار اليوم :
?? استشهاد مدير شرطة الدبيبات ومساعد لدى تنفيذهما أمر قبض ضد نظامي .
? هو النظامي بي يقبضوهو ؟

? أخبار اليوم :
?? قراءة تحليلية ل(أخبار اليوم) لإفادات وزير الدولة بالنفط الصريحة أمام البرلمان حول الأزمة .
? زي افاداتو دي لو حللتوها حا تطلع فيها دوسونتاريا.

? أخبار اليوم :
?? مصفاة الخرطوم تبلغ طاقتها القصوى في الجزء الأول وتعمل بنسبة 85 ٪ .
? حمدا لله على سلامتها.. كرموا ليها عشان ما تتعطل تاني.

? أخبار اليوم :
?? وزير الدولة بالخارجية يقدم تعازي رئيس الجمهورية لسفارة نيجيريا، ويؤكد استمرار جهود القبض على قتلة الدبلوماسي.
? نحن برضو نقدم تعازينا ونقول لهم الحال من بعضو.

? أخبار اليوم :
?? أسرة (الدار) تحتفل بصناع النجاح، واستمرار لقب الصحيفة الاكثر انتشارا” بالسودان .
? الشعب يريد الشمار.

? الوفاق:
?? جهاز الأمن يوزع أفراده على محطات الوقود لضبط “السوق الأسود”.
? يلا عاد الافراد ديل كل واحد فيهم حا يركب مكنة قوش.

? الوفاق:
?? متظاهرون يسقطون طائرتي استطلاع إسرائيلية جنوب قطاع غزة .
? لو كانت الطائرات جاتهم طافيه النور وهم في صلاة العشاء كان حا يقدروا يسقطوها ؟

? الوفاق:
?? انشقاق مجموعة جديدة من عبد الواحد، وانضمامها للسلام .
? انشقوا ساكت كدا لوجه الله؟

? الوطن:
?? انفراج نسبي لأزمة البنزين بولاية الخرطوم.
? مكانو وين الانفراج دا مكانو ويييين.

? الوطن:
?? الكودة: السفارات الغربية تتصل فقط بالأحزاب العلمانية.
? يعني يا مولانا عاوزهم يتصلوا بالكاروري وعصام أحمد البشير ؟

? الوطن:
?? الاتحادي يعقد مؤتمره بالخرطوم وقيادي يصفه بـ (المزيف).
? ما بعيد يكون مزيف زيو وزي الحاجات التانيه المزيفة .

? الرأى العام:
?? البشير يتكفل بزراعة قوقعة ل 40 طفلاً.
? عشان يسمعوا شنو هو في حاجه تستاهل يسمعوها الايام دي.

? الرأى العام:
?? واشنطون: إمكانات السودان كبيرة، ومتفائلون بشأن مستقبله.
? السودان اصلا ماكانت مشكلته امكانات مشكلته تمكينات.

? الرأى العام:
?? بكري يدعو المرأة العربية لمحاربة الغلو والتطرف.
? انتو حاربوا الغلاء اولا الغلو والتطرف براهو بي يفوت.

? المجهر السياسي:
?? الرئيس يمنح وسام الجدارة لظريف ام درمان الهادي نصر الدين.
? والله الايام دي اي زول يقدر يخلي الناس تبتسم يستحق وسام الجدارة.

? المجهر السياسي:
?? اللجنة التنسيقية العليا لمتابعة الحوار تعلن تنفيذ 43% من توصياته.
? كمان تاني تلاته اربعه سنين بي نوصل فوق ال 80%.

? الصيحة:
?? لقاء مرتقب بين البشير وأردوغان واتفاق على التنسيق بين السودان وتركيا.
? اول هم قبل كدا اتفقوا على شنو ؟

? الصيحة:
?? إخضاع المطيع للتحقيق حول تجاوزات مالية.
? المطيع دا اظنو الرتينزة بتاعته ضاعت.

? الصيحة:
?? رفع الدعم عن الوقود في جنوب السودان.
? هو بالله كان مدعوم والا ما عندهم عوجه.

? الأهرام اليوم:
?? الاتحادي الأصل يشارك في كتابة الدستور.
? مدد يا سيدي مدد.

? الأهرام اليوم:
?? توصية برصد قضايا المسيحيين، ورفعها للإرشاد.
? انا لو مكان المسيحيين ادخل البنزين والجاز من ضمن القضايا .

? السوداني:
?? البرلمان الكندي يطالب حكومته بترفيع التمثيل الدبلوماسي مع السودان.
? والله لو يعينوا تراجي سفير تكون ميه ميه.

? السوداني:
?? والي الخرطوم: العاصمة تمددت على طول 40 كلم.
? اها نقطعها ليك يعني.

? السوداني:
?? طلب استدعاء بالبرلمان لوزيز الكهرباء بشأن وجود الري المصري بالبلاد.
? والله الري المصري دا انا ما شوفت له فايده الا عندنا واحد صاحبنا كان يغني يقول كتمت الريدة ما سمعوها ناس الري.

? وكالة “سونا”:
?? رئيس الجمهورية يمنح المدير العام لمنظمة الفاو وسام النيلين من الطبقة الأولى.
? والله قايلها منظمة (الفار) قلت يمكن عشان اكل الكبري.

? وكالة “سونا”:
?? رئيس الجمهورية يتبرع بمبلغ 30 مليون جنيه لإعادة السمع للأطفال دون سن الخامسة.
? هو الريس دا موش قال راتبو لا يكفيهو جاب القروش دي من وين؟ لكن لو من قروش الشعب يبقى ما تبرع.

? وكالة “سونا”:
?? النائب الأول لرئيس الجمهورية يؤكد قدرة المرأة العربية على محاربة الغلو والتطرف والإعلاء من قيم الحوار.
? قدرة شنو هي المحكمة في سنار حددت ليها نوع السروال وفي دنقلا مانعاها من المسوح والطلح.

? وكالة “سونا”:
?? الدولب تخاطب الجلسة الختامية للمؤتمر القاري حول عدالة الأطفال في إفريقيا بأديس ابابا.
? هو نحن عدالة الكبار عرفنا فيها شنو؟

? وكالة “سونا”:
?? انضمام 200 يمثلون قوى سياسية مختلفة لحزب المؤتمر الوطني بولاية النيل الأزرق.
? ديل برضو كانوا مساجين وتابوا زي ال 235 مسجون ديك والا ما كانوا مسجونين.

? وكالة “سونا”:
?? اقتصادي يثمن سياسة سداد قيمة الخدمات الحكومية عبر نظام الدفع الإلكتروني.
? دي دايرا ليها اقتصادي؟ خليهو لو عندو فهم ال يتكلم عن الازمه الحاصلة دي.

? وكالة “سونا”:
?? والي ولاية كسلا يشهد ختام فعاليات الاحتفال بأسبوع المرور العربي.
? غايتو الاسبوع دا منحوس خلاص جاء وراح والعربات واقفه في الطلمبات.

? وكالة “سونا”:
?? البيلى: استراتيجية الوزارة تحويل كل شخص قادر على العمل لمنتج.
? منتج بفتح التاء والا بكسرها .

?ابووضاح?

________
https://www.facebook.com/dababies