صحافة المواطن: الجيش حمى المتظاهرين وروى العطشانين

أي زول قال ليكم الجيش ما حمى الناس وضربهم ذخيرة حية ما تسمعو ليه دا جداد .. أمس الامنجية جاهم الجن الما بقدرو ليه ووقفهم في حدهم .. والله الجيش مطوقنا واستدعى قواتو البره للحماية .. وأقسم بالله كنا ميتين عطش والله رتب ف الجيش تملى لينا بي فوق وتوزع وترفع الموية .. القصة ناس الأمن حاولو يدخلو ويفضو التجمع الجيش ضرب ذخيرة. حية في السماء خلاهم اتلمو زي الجراد .. الما عندهم ضمير .. حتى البمبان والضرب والاعتقال بعيد من القيادة من النفق حق جامعة الخرطوم وانت ماشي ع العربي لكن من بعد النفق لحدي كبري كوبر نحن محتفلين اغاني وطنية وشعارات ..

ما تسمعو كلام اي زول يقول ليكم الجيش م حمانا .. والله قبل نصل القيادة الأمنية مرمطونا مرمطة والله الا بعد دخلنا شارع القيادة حتى حسينا اننا في السودان حقنا الزمان والله ع ما اقول شهيد .. الناس تحصل القيادة الاعتصام لازم يستمر .. ونحن قطعنا تلات ارباع المشوار .. عشان ننجح لازم الآن الآن الناس تتحرك ع القيادة
تعديل
القالو استشهدو ديل الا ما معانا في القيادة .. ونصيحة كلام من بره م تسمعو الا يطلع من لجنة أطباء الثوار .. انضرب شاب لكن في بري قبل يصل القيادة من قبل الامنجية .. ما الجيش أي حالة هددت حياة مواطن للخطر بعيد من القيادة اقسم بالله ..

يلا ع القيادة م تخلو الفرح دا يفوتكم والله بكينا من الفرح لمن كملنا دموعنا .. تعالو سريع