مالك معاي

مالك معاي
ما كنت بتريد رفقتي
ترنيمة الريد في غناي
هسع..وكت حر الكلام
وجهت نضمك لي سواي
صدقني يا حلم السنين
انك مشعتر في القلب
تتجارى بين نبضي ودماي
دقت مزازيك الحرب
اتقاسم الساتر معاي
تاريك مشعلق في البرق
نجمك مشرك لي سماي
اهديني حبة قنقليس
نبق الدرب واقف حداي
وانا مشتهيك ..جمة قلب
مستني تتونس معاي
اهديك حنيني..ومنسحب
شان اشقى بي ريدك براي
انت بتزازي…ومنطرب
وانا باكي ليك..دمعي وشقاي