يعلم الله تعيينات ..تعيينات …تعيينات

ما مشكله عيّنوا منو ووين….المشكلة انو ليه حصل كده…. انعدام المؤسسيه فى عمل قحت من ناحية التعيينات ظاهره لازمت العمل منذ أن بدأت التشكيلات الحكومية وإعادة تأهيل الوزارات ….

السبب الرئيسي البخلي أى مسؤول -فى أى مستوى من مستويات السلطه – يعين مدير مكتب واللا سكرتير عبر معارف وشلل وعبر البحث الفردى والتوصيات ، هو إنّو قحت من اليوم الأول كان المقروض تفتح الوظائف حقت الخدمه المدنيه بمواصفات معينه وشروط معلنه عبر قنوات جماهيرية ……وتوصّف الكفاءات والقدرات والمهارات المطلوبة ….،وتخلي بعد داك من يأنس فى نفسه القدرة والكفاءة يجيب سيرتو الذاتيه وأوراقو وشهاداتو وخبراتو ، ويجي يقدّم!!!!!

وبعد داك تتعمل مقابلات وفحص سياسي واي شي يعني….ويتم الاختيار علي أساس استيفاء الشروط. أييييي شروط عايزنها (((ما عايزين كيزان …عايزين زيادة نسبة النساء …عايزين خبرات فى عيك ومهارات فى عوك وتوجهات وافكار شكلها كيف…اي شي …اي شي )))))مش علي أساس الصحوبيات والمعرفة الشخصيه والتوصيات من أقرباء …

دى أساليب اضطرت قحت تلجأ ليها عشان تمشّي بيها الشغل بعيدا عن الدوله العميقه وبعيدا عن الأشخاص الممكن يكونو ما مؤمنين بقضية التفكيك داخل جهاز الخدمة المدنيه ….لانو -بطبيعة الحال – ناس زى ديل ممكن يعرقلو المسيرة …

أها طبعا ما بين مطرقة الفكاك من دولة التمكين وسندان إعادة تشغيل تروس الخدمه المدنيه المصديه وقعت قحت فى خطأ منهجي فى تكوين الدوله الجديدة ……..
الحصل انو الوزرا وأعضاء السيادى جو لقو المكاتب متروسه كيزان وامنجية….. وقحت تتفرج…يبقي كان مطلوب من كل زول يتصرف يكوّن مكتبو بمعرفتو بأسرع ما يمكن عشان الشغل يبدأ والتروس تتحرّك……أها وحدس ما حدس ……..

الخطأ دة غير إنّو بيعيد شبح التمكين برضو فهو أيضاً ببساهم انو نفقد التعرّف علي كفاءات حقيقيه وقدرات جبّاره وسط أبناء وبنات شعبنا ويفقدوا هم الرغبه والحق فى بناء الدوله الجديدة ……!!!!