متين؟
متين حق التعبير السلمي في البلد دي يكون بدون غاز مسيل للدموع ومطاردات وعنف وذل وهوان؟
متين تتحقق أماني الثوار بثورة كاملة غير منقوصة؟ متين نفارق الانتهازيين والمتسلقين الذين يمتطون ظهر كل ثورة دون أدنى خجل؟
متين تتحقق الأحلام الصغيرة لهؤلاء الشباب بسترة الحال والاستقرار؟ متين يبقى الوطن هو المرام، والمواطنة هي الأصل في التعامل، وهي المعيار؟
متين ننهض ونفك قيود الانكسار؟ متين نبني ومتين نبشر الأجيال الجايه بسودان أفضل وأنضر؟ متين ترجع سماحة الأخلاق وصدق الإنسان السوداني؟
متين نجيب حق الشهداء الكرام؟ متين تكون العدالة هي الأساس؟ متين يتحقق السلام وتعيش أطراف البلد وهامشها في امان؟
ياخي متين الواحد في البلد دي يحترم كبني أدم ويتم التعامل معه على أساس أنه إنسان؟ متين إيد الغبش تتمد ولا قدام تتش عين الظلام بالضو .. متين؟
