قائمة انساب بعض شعراء الحقيبة

محمد ود الرضي :
من مواليد العام 1884 عسيلاتي لام محسية اصوله من ام تكالي/ العيلفون/ ام ضبان بشرق النيل ..

ابراهيم العبادي :
اسمه ابراهيم احمد بابكر ديدان من مواليد 1890 او 1894، من قبيلة العبابدة، قدم والده احمد بابكر العبادي من قرية “التلواب” “ريفي بربر” للخرطوم في نحو العام 1875 ومن ثم انتقلت الاسرة الي حي العبابدة شرق مستشفي امدرمان بعد سقوط الخرطوم بيد المهدي 1885.

صالح عبد السيد ابوصلاح
من مواليد 1894:
اسمه صالح عبد السيد ابراهيم نوار. جده لابيه مصري قبطي من قرية “اخميم” وصل الي السودان في فترة التركية
اسلم اباه علي يد الامام المهدي، وولد صالح بحي الموردة بامدرمان و ما زال عقبه يسكن في منزله.

الشاعر عبيد عبد الرحمن ،
من مواليد امدرمان 1905 او 1910، من اصول مصريه من منطقة بربر .. هاجر جده لام درمان ابان المهدية

سيد عبد العزيز محمود :
من اصول تركية
واسمه عبد المحسن عبد العزيز محمود، اسماه اباه عبد المحسن علي اخيه، و اطلقت امه عليه لقب سيد
من مواليد امدرمان في نحو العام 1907، جده محمود تركي قدم للسودان في العهد التركي، وام سيد عبد العزيز فوراوية من نسل السلطان محمد الفضل، وهو يعد ابنة خالة السيد عبد الرحمن المهدي (ام السيد عبد الرحمن مقبوله الدارفوريه) ..

عبد الرحمن الريح :
من مواليد 1917
عبد الرحمن ود الفكي الريح ابيه الفكي الريح شايقي سورابي من منطقة القرير، و امه جعليه فاضلابية ..

محمد بشير عتيق :
من مواليد امدرمان 1910، من قبيلة الدواليب، اصوله من منطقة العفاض بالشمالية.

عمر البنا :
هو عمر محمد عمر البنا، من مواليد امدرمان في العام 1900، والده قاضي المهدية الشهير وشاعرها، و ينتمي لقبيلة الجعليين الحاكماب، و اصوله من منطقة قوز العلم (قوز المطرق) جنوب شندي، وهاجرت الاسرة منذ العهد التركي الي رفاعه و ما حولها، لكن لازال اقاربهم موجودون بمنطقة القوز و منهم آل صغيرون (ابناء عمومتهم) ..

خليل فرح (عزه في هواك)
هو خليل فرح بدري كاشف، من مواليد 1890 او 1894 بقرية دبروسة ريفي حلفا، اسرته من اصول تركية سكنت جزيرة صاي و اختلطت بالمحس و السكوت منذ امد طويل ..
هاجر اعمامه من ال بدري كاشف الي الخرطوم اثناء العهد التركي، ثم الي امدرمان، بيت المال (و ما يزالون بها) خلف بيت الزعيم الازهري من الجهة الشرقية، بعد سقوط الخرطوم 1885 ..
وصل خليل الي امدرمان قادما” من جزيرة صاي في العام 1913، و توفي بامدرمان عام 1932. ومن اسرته بن عمه محمد علي عثمان بدري كاشف صاحب قصيدة (مرضان باكي فاقد)، والناشطة النسوية حاجه كاشف، و نجمي المريخ قرعم و سري وهما نجلي ابن عم خليل محمد علي بدري كاشف ..

حدباي احمد عبد المطلب
صاحب غصن الرياض في غصونه ماح. قريب خليل فرح وراويته ولد بامدرمان في العام 1900 و توفي بها في اول ثمانينات القرن الماضي

مصطفي بطران :
صاحب دمعة الشوق
من اصول محسية ولد في حلة حمد ببحري في العام 1900 وتوفي بها في العام 1935.