محيي الدين أحمد ابراهيم

يدهشني حقاً هذا الشاب.. طالعوه على صفحات الفيسبوك.. رشاقة كلمات.. بلاغة.. خفة دم..كتابة هادفة مختصرة.. فيه شيء أو كثير من الريفي وعبدالله رجب وأحمد رجب وأنيس منصور ومحمود السعدني..اهديكم نماذج من هذا الابداع (بدون إذن المبدع):

اليوم..
مُتعب .. قليلاً
مُحبط .. إلى حد ما !
حزين .. بشكل أكثر من المعدل
في الحقيقة مجرد الحديث عن الحزن يخجلني، فــوسط هذا السيل من الكلمات العابرة الغارقة حزناً ! بت أشعر أن الحزن سلعة رخيصة معروضة في محلات كل شيء بـــ ريال فــليتني أعلم إلى أين يرحل من يرغب في البكاء ..؟
*****

وجدان
..كنا بالضفه الاخري
اتينا لهذه الضفه املا ان ينسينا الريال حزنا كنت اظن ان سببه الفقر..فجاء الريال ولم يذهب الفقر
*****

المكان : أنا !
الزمان : الحقيقة !
الحدث : مشاعر.. !
لما تغيب عن الميعاد؟
لا أدري أين ابحث…ولكني ما زلت متمسكاً بقول من ضربت لي الرمل وقالت لي ذات ( قعدة جبنه كاااربه): محيي الدين….طريقك طويييل….اشواكو كتييره ولكن إذا كنت تحب بصدق فتوكل على الله ولا تفقد الأمل وإذا كنت كاذباً فارحل وتحدث عن القضاء والقدر…!!!!
ماذا تراني افعل الساعه الثالثة إلا ربعا فجرا عندما أصحو ويقول لي هاتف داخلي:
عجباً لك. محيي الدين ألك الجرأه لتصحو ومشاعرك قد رحلت…؟؟؟
آه…وآه ..لو تنفع آه..
يا ساده….
في الزمان الأزلي ، والمكان الراحل ! تتفرق ملامحي في كل اتجاه ، تبحث عن سواحل !!!!
وأبقى” هنا ” أنتظر قدوم الراحلين … لأهديهم وجهي الذي لم يتذكروه عند رحيلهم …. فسافروا بدونه!!!
*****

الخرطوم بدت تنضف..وشوارعها بقت تُغسل..اها مفروض بعد كدا يستفيدو من شرطة النظام العام بدل ما يطاردو البنات دي لابسه ضيق ودي لابسه فاضح..مفروض يخلوهم يطاردو الناس اللي بترمي الاوساخ في الشوارع..يلاحقوهم بالغرامات…الجيب هو الحل الوحيد لتربية جيل يقدّر النظافة.
*****

يا سلام …
يا سلام
مرّة طربان ..
شلت صوتك شان أغنى…
قلت آه ياليل ..
….وآه
إنتى أول ..
وإنتى تانى ..
وإنتى تالت …..
وإنتى رابع……………………..
نافرة زى صيد الخلا……….
وصافية زى نبع المنابع……
وقلتى لى …..
غناى خلاص………
حلوة عينيك زى صحابى…
عنيدة كيف …
تشبه شريحتين من شبابى…
حلوة عينيك زى صحابى..
وزى عِنب ..
طوّل معتّق فى الخوابى…
وسمحة زى ما تقول ..
ضيوفاً .. دقّوا بابى
فرحى بيهم …
سال ..
ملا ..
حتى الكبابى ….
*****

عايزك الايام الجايه دي..تملي الدنيا وتقولي تسجيل نيمار لباريس سان جيرمان عباره عن كبري عملو كردنه مع رئيس نادي باريس عشان برشلونه كان رافض يفك نيمار للهلال وكلها شهرين وحتشوفو نيمار بالجوهره الزرقاء…اوكي
*****

براءه:
قال لولدو الصغير ذي الاربع سنوات…حمودي ..
– انتا لامن تكبر وتبقي زي اخوانك علي وعمر وجمال عايز تبقي شنو..؟؟
– عايز ابقي مهندس.
– مهندس ..!! ليه كفايه علينا اخوانك عمر وجمال..عايزك تبقي دكتور.
– انا لو بقيت مهندس ولاّ دكتور..انتا ما حتشوفني.
– ليه..؟؟
– عشان حأكون في الوكت داك يتيم.
*****

لامن يكون كلامك من روحك..وحضورك مبدع..عندها فقط يكون صمتك عقاب وغيابك لعنه…
برشلونه لازم يستغل المبلغ اللي باع بيهو نيمار بشكل كويس..بكل المقاييس المبلغ كبير …٢٢٢ مليون يورو مبلغ ما هيّن…انا من رأيي يشترو بيهو حتة ارض في ام ضريوه سيتي محطة اللستك..منطقه كويسه والكهرباء حتدخلها قريب…
*****

في ناس ما بتلقي نفسها الاّ وسط الزحمه ولمة الناس حواليها..وناس بتلقي نفسها في الوحده…انا من النوعيه التانيه….
*****

حبك فعل لا إرادي
أُمارسه بكامل إرادتي
*****

في رأيك في انتقام أكبر من انك تبعد عن انسان بدون ما تخليهو يعرف غلطتو..؟؟؟
*****

تباً لكل من احبتني بعقل…تباً لكل من احبتني بصمت..تباً لكل من احبتني ولم تعترف..تباً لكل من لم تتلعثم وتتكبكب وتسقط ارضاً لامن امر بمخيلتها البارده…
*****

بعد ثورة الاتصالات والتواصل الاجتماعي جاتنا الفرصه نفش غبينتنا ونتكلم سياسة وفي الوضع المايل ونحاول نمارسها ونتناقش فيها ..اليوم أعلن انا محيي الدين أصالة عن نفسي بس ان الكلام في السياسه والوضع المايل بقي بلا فايده طالما هذا الشخص ممسك بمقاليد الأمور وسادي دي بطينه ودي بعجينه…تاني نكات واغاني بس…كدي النشوف آخرتا
*****

زي ما قاعده تتجاهلك في واحد تاني قاعد يتجاهل فيها..هو ذكي وانت حمار
*****

قال..
بنتو عمرها ٧ سنوات في مدرسه خاصه..البت ما بتحب تضع غطاء رأس …مديرة المدرسه مصرّه انها تتحجب…كلمت ابوها….قابل المديره..اخبرها ان البت صغيره …وحتي لو كانت كبيره هو بصراحه عايز بنتو تتمتع بحرية خياراتها وهو اللي حيربي بنتو براهو دون تدخلات خارجيه…..مديرة المدرسه اصرت علي رأيها…قام اشتكي المديره للمسؤولين في ادارة التعليم….جاهو الرد:
انتا ما عايز بنتك تتحجب وتبقي محترمه…!!!!!!
*****

الناس دي ما قادره تفهم ان الاكراه علي الفضيله ( فضيله من وجهة نظرهم)..ما بتنتج الا مجتمع منافق…الحريه شي اساسي في الدين…
واحد مره اتناقشت معاهو في حاجه قال لي ( كالعاده)
: اترضاها لاختك..؟؟ اترضاها لامك..؟؟ نظام الشيخ يريد افحامي( طبعا حكاية يقنعك دي مستبعده فبيلجأوا للعواطف واثارة نخوتك)…
كان ردي عليه:
يا شيخنا ( لا تزر وازرة وزر اخري) دي قاعده دينيه…انا عليّ ان اوضح لاختي او امي اللي ذكرتهم ديل الصح من الغلط واوفر ليها الحمايه اللي بتمكنهم من الاختيار بحريه وبعد كدا هي من تختار طريقها…كل الدين مبني علي افعل كدا تدخل الجنه وافعل كدا حتدخل النار…الخطاب للذكر والانثي علي السواء..انا ما مطالب بهداية احد..ربنا هو الهادي..واستمر النقاش..وانتهي بوصفه لي بالديوث…!!!!!!! ومن يوميها قررت اني لا اناقش احدهم بس بعمل زي ما انتا عملت يا الطيب..اعاين واقول الله يجزاك خير واهز راسي وامشي لحال سبيلي
*****

قبل ما تتزوجي اختاري الراجل الصاح..عشان نفس المجتمع اللي خايفه يقول عليكي عانس
حيطلع عين اهلك لو اطلقتي…
*****

لا تبك علي اللبن المسكوب
تعال ولول علي البيضه اللي بقت ب2 جنيه دي