أنا الكاملين

شان ما نحن مشتاقين
وللكاملين غرام الروح
روحنا تشابي من جانبين
وشان ما انتو ولهانين
وفي الكاملين بحر الريد
انتو هناك غرقانين
اسمحوا لي يا الحلوين
أكتب تاني في الكاملين
خلوني أوضح أبين
وأرسم لوحة الكاملين..
الكاملين..
حضارة فاقت القرنين
الكاملين..
محنة ساكنة جوة العين
الكاملين ..
بشاشة أهلي ناس طيبين
أنا الكاملين..
إلفة محبة بين إثنين
وغفوة جميلة جوة العين
وبسمة عريضة في الشفتين
وأجمل عزة بين شخصين
وبهجة ناس كتير حلوين
حلاتم نابعة من الدين
شبابها أمين وكم طايعين
بناتها بعفة ملتزمين
رجالها بعزة متماسكين
ونساها شرافة الصالحين
أنا الكاملين..
إلفة دفوقة من القلب
وكابة دموعها من العين
أنا الكاملين..
نيل شريان بدفق دم
بغذي القلب .. ويغذي العين
أنا الكاملين..
حنين وحنان
حنين في القلب .. وحنان في العين
أنا الكاملين..
حبيبة الناس
ناس في القلب .. وناس في العين
أنا الكاملين..
من عباسها لخاصها
في عباس سكوني القلب ..
وعند الخاص سكوني العين
أنا الكاملين..
حنان أحبابي آل الزين
آل الزين ناس حلوين .. وناس طاعمين
آل الزين بهجة وروعة الكاملين
آل الزين روح الناس في الكاملين
آل الزين بشاشة وبسمة الكاملين
آل الزين سماحة وطيبة الكاملين
آل الزين صورة معبرة للكاملين
وعايز تعرف الكاملين؟
أقولك وين؟ .. أقولك وين؟
حلاوة الناس في الكاملين
سماحة أهلي في الكاملين..
في إنسان كبير في العين
وبالحنية ماهو ضنين
هاشي وباشي وديمة حنين
أقولك وين ؟
جمال الناس في الكاملين
في بسمة معطي ود الزين
وضحكة معطي ود الزين
وطيبة معطي ود الزين
أنا الكاملين .. أنا الكاملين