تابع الحنكوش الخارق

حدثنا عزو عن السر العاتي فقال:كان ابو السرة يدير بقالة في كوستي، مع ثلاثة من أخوته، لم ينل من العلم حظاً، فأوكل إليه القيام بمهمتين، أساسيتين، زي حميدتي واحد، فهو الكاشير وضابط السيكيوريتي، وظيفتين، في برنامج واحد، يبتسم للزباين المحترمين، ويقوم بالفتك بالزباين العكاليت، في حال عدم الدفع. كان ابو السرة، منتصراً، مكللاً بالغار، في كل المواقع، إلا مرة واحدة، لم يكتمل فيها نصر الهلال، بسبب ثغرة في الدفرسوار.

فقد حدث في يوم شؤم، أن زبوناً لايوقاً، ماركة ملاح سلج بايت، (زازاز) بإخوانه، وحلف ما يتنازل، وحلف ما يدفع، قال شريط الفيديو، مافيه سعاد حسني ، ولا محمود ياسين، ولا أفواه ولاأرانب، وحسماً للقضية، فقد نادى منادٍ من القوم: نادو ليه السر! السر قالي عاينت ليه كده، لقيتو رقيق وضعيف وهفتان، مابياخد ثانية، كان باختصار حنكوش، نهرتو من محلي…. اطلع لي برة يابن العم، قالي حاضر ارح…

اخواني وكل جمهور كوستي، ساقوني بالجنبة، ووصوني، بكل أمانة، وهم لا يعنون ما يقولون… خفف الضرب شوية، يا ابو السرة، الزول ده هلكان بموت في ايدك.اها مرقنا برة، وشي في وشو، ومقانصي متوترة للكبع، شيل خت شيل خت، فجأة، حدث شئ عجيب مرة، ياعزو، لو في زول حكي لي ما كنت بصدقو فجأةًالزول ده ارتفع في الهوا(مانط ما طار… ارتفع زي الرفعو ونش، أو تحول إلى مروحية)ارتفع شووووووو زي سوبرمان، واصل واصل واصللمن كراعو جات جمب راسي… وانا مذهول، وقبل ما استوعب المشهد ده، وبحركة بوب مارلية، قلنا ليه قصدك (بروس لي)، قال ااي……….طااااااااااااااااااخلطش راسي شلوت وقبل ما أفتح، وافهم الحصل شنو، والمخيخ يستعدلزولك زي الهليكوبتر، بززززززز نزل الواطا، واقف علي طولو، والناس تعاين.انا، وفوراً، وحيث كذلك، والنميري، وعلي حسن سلوكة، وكما قال حميدتي، نحنا هدفنا شنو؟ نحنا ما عندنا هدف، وفي التواي حاجة قدام عيني، اتقلبت اتنين اتنين.. عمدان الكهربا جوز جوز، وشوش الخلق، كل وش بنخرتين واربعة عيون، يافطة البقالة، مدبلة..لقد اصابني الدبل فيشن! ناس كوستي، لسة ايمانهم فيني قوي، سامعهم طشاش طشاش، يكوركو كانهم ما شايفين مأساتي: ياجماعه الحقو امسكو السر ما (يازي) الزولصحت فيهم باخر حس عنديعليكم الله امسكو هو، الأهبل ده، ما يلحق يطير تاني.

886 Comments1 ShareLikeCommentShare