صداك

بينك وبين شمس الصباح خطوة
فمد إيدك
ولوِّح للشعاع.. يجتاح
وأملا من الهتاف صدرك على طول الطريق صدَّاح
ولا تغضب إذا ردَّد صداك الريح
يكون الريح فهم قصدك
ووزَّع للأرض وعدك
ومستنيك تهب إعصار
فهب إعصار
سماك مفتوح
ومعاك ضد الضلام أنوار
معاك عند الترَس أسوار
فمد إيدك
يلاقيك شجر النشيد واقف
يلاقيك دم الشهيد نازف
ويمشي معاك
إذن نتلاقى عند الميس
على مد الهتاف والنيل
معاك ترقص خريطة الكون
معاك تسطع نجوم الليل تسد للعتمة خشم الباب
تقع واقف
وما تهتم
يسيل الدم
يسيل ضو الشوارع .. كم
يشيل منك شهيد آخر
شهيد تاني
فبينك والصباح خطوة
ومليون بكرة
فبكرة يفوح عطر وطنك ..
وطن شامخ،
وطن واحد.

🌍 محمد حسن الشيخ
الرياض ٢٩ أكتوبر ٢٠٢١