أنيس منصور يحاور كوكب الشرق

الاديب انيس منصور كتب عن جلسته مع سيدة الغناء العربي ام كلثوم

هو /ممكن اسألك عن الموجودين دلوقتي وتقولي رأيك بصراحه

هي/بس متنشرش الكلام ده الا بعد ما اموت وانا هقولك عشان انت بلدياتي

هو/ربنا يبارك في عمرك ياست

هقولك الاسم وتقوليلي المعني

شاديه/..شاديه دي صوت مصري مالوش مثيل بنت مصريه بنت بلد كده ولازم لما تسمعها تحبها

صباح/صباح صوت مميز بس بيضيع نفسه ولازم تجتهد لانها نجحت ولو نزلت من نظر الناس صعب ترجع تاني

ورده/ورده دي ربنا اداها صحه في الجسم والصوت بس تحس انها معندهاش فرامل يعني لو اندمجت اوي تردح

نجاة الصغيرة /نجاة كانت تعجبني زمان لما كانت بتختار الحان تليق علي صوتها انما دلوقتي هيه بتقبل الحان عاليه علي امكانيتها الصوتيه وهي مينفعش تعلي صوتها اصلا

عبد الحليم حافظ / ده شخص مجتهد وزكي

عبد الوهاب/ ده بقي بيواكب العصر جدا والحانه مميزه

بليغ حمدي/الواد ده شيطان موسيقى وبيجيب جمل موسيقيه محدش يقدر يوصلها

قريد الاطرش/مش عارفه ليه هو مصمم يقحم الموال اللبناني في قلب الغنوه المصريه وده بيقلب الغنوه من فوق لتحت لكن في المجمل الحانه كويسه

رياض السنباطي/لا ده مش بيلحن كلمات الاغنيه ده بيلحن معانيها وده مش موجود في كل الموجودين

شريفه فاضل/صوتها حلو

فيروز/فيروز صوت مميز واحساسها الصوتي ممتاز لكن تناغم جسمها مع الغنوه صفر تحس انها تمثال جميل واقف بيغني لكن تمثال

فايزه احمد /اعظم صوت نسائي ينفع تفصل عليه اي لحن وهتغنيه ببراعه

مين اكتر مطرب عاجبك او احسن صوت رجالي

محمد قنديل

من حديث انيس منصور مع سيدة الغناء العربي ام كلثوم