أصداء كلام في وجه الصباح وعلى الهواء الطلق .. التوقيع: لا يزال صوتك الفرح

💚 نص كلمه:
★(سودان بلدنا وكلنا أخوان.. الله لا يريح من فرق بينا دنيا وآخره}
■ كتب الزول السمح(جال مقوك نيال) تحت عنوان{زيتنا في بيتنا..!!}:
●عزف نشيد السودان الشقيق في أولمبياد بأريس ” نحن جند الله” بدلا من نشيد دولة جنوب السودان ، ما فرقت فكلنا واحد وشعبين في البلدين، وجات بخيرين. إن شاء الله المرة الجاية سيعزف نشيد جنوب السودان، وسنغني ليهو كلنا زي ما غنينا سوا في نشيد السودان اليوم..المهم حاجة ما خطيرة، طالما النشيد نشيد سودانا الأم والأشبال برضو وقفوا وقفة الاحترام ليهو لحدي ما اكتمل.نتمنى بس من لجنة أولمبياد بتاعنا إنو يحاولوا تعديل للغتهم وإرسال الرسالة بشكل جيد..
● المهم فازوا الأشبال وانتصروا، فاز العيال ومجدوا. فاز الفخر وفطروا.نادوا كيجي تعمل لينا ملاح كمبو..وخلو سعدية تمشي تعمل لينا العصيدة..فعندنا ضيوف جأيينا من دنقلا برا وكمان أشقائنا من الفاشر..
أمشوا وروا بابا قلواك، ويا بنات نادوا الشيخ منصور وقولوا ليهو يجي للفطور..
وما تنسوا تنادوا العمدة محمد (والعمدة سيد مراد كمان 🤣وشيخ مصطفي معكم) قولوا ليهم يجوا يشاركونا في الفطور ، فأبنائهم انتصروا..انتصروا ودخلوا العالمية، ويا محمد أمشي لبابا دينق وأغشي بيت عم جون وقول ليهم الليلة عندنا فطور في بيت العم السلطان مجوك، وما تنسى تمر ببيت خالة نفيسة وخليها ما تنسيدى تجي مع صحبتها ماما نياندينق..أمشي سريع وما تتأخر علينا..فأنا وكوكو وجادين هنلحق علي ومجدي في السوق، وناس شول وعبدو هيلحقونا بالعربية ونرفع التور ونوديهو البيت. وإخواتنا ناس بثينة وفاطمة وميري وربيكا في إنتظارناعلشان الذبيحة وتقديم العصائر لأعمامنا..
●المهم زينا في بيتنا عزف نشيد السودان في مباراة جنوب السودان ما فرقت معنا والله فكلنا أخوان ، وشعبين في البلدين ويوم باكر أحلى بإذن الله..
{{ جال مقوك نيال}}

♦️أسطورة بركليس:
★ أسطورة بركليس فى الميثيلوجيا اليونانية عن قاطع طريق فائق القوة كان يسكن في غابة، ومن يعبر تلك الغابة لسوء حظه(كسوء حظنا نحن السودانيين في حاضرنا التعيس) يقع فى ضيافة بركليس وخادمه(ركز على خادمه)..
★ كان لبركليس سرير مصنوع على مقاس جسمه ، فحين تأتي الضحية المنكود الحظ، يولم له وليمة عظيمة إذ يذبح له أكبر كبش أملح فى{زريبته}ويجلب له الخمر من {باخوس} اله الخمر في جبل الأولمب.. يبدأ الحفل والطرب حتى تتمكن الخمر من رأس الضيف فيسكر ( لمبة) ،حينها ينقض عليه هو وخادمة بكل قوة ويمددونه على السرير وهناك ثلاث احتمالات للضحية:
▪︎ إذا جاء طوله أطول من السرير قطعت رجليه حتى يتساوى باقى الجسم تماما مع السرير فيموت ويلقى بجثته لكلابه..
▪︎ أما إذا كان طول الضحية أقصر من السرير فيتم مطه من رقبته حتى يتساوى مع السرير فيموت ويلقى بالجثة لكلابه..
▪︎ أما إذا تساوى جسم الضحية مع السرير فينجو من الموت، وهذه الحالة لم تحدث إلا مرة واحدة وكانت مع خادمه هذا، الذي عينه ليعينه فى مهمته البشعة ..
{{ منقووول }}

🔹 قيثارة الفن النوبي محمد إبراهيم كبوش يغني كما نحب ونشتهي ويشعل في دواخلنا الكبرياء النوبي ويعكس انطباعا جميلا عنا للآخرين .كبوش فنان مترع بالجمال يمنحنا دوما باقات من الفرح الجميل.. تعظيم سلام لصديقنا كبوش..
{{ سيد حسن مراد }}

🟢 إيقاع وصدى:
★إيها الحلم الكذوب،لقد بلغ الشووق بي سن الرجولة، وأرهقني طول الانتظار. صحيح قالوا السعي للموت ولا انتظاره ..

★ البارحه سافرت للبلد العاليات قصورها، حزنت على فراقها، ولكن رددت بسري دعوها تسوح بأحلامي في مرافئ الدنيا في المدن المخملية لأشاهد وهج الحريه في شاشة عينيها..ااه فبلادنا التعيسة المنكودة الحظ تعيش يتم الحريه !
{{ سيد حسن مراد }}

🔹🌿 رجفة قلم 🌿🔹
▪︎ضاع الكلام، ماتت حروف اللقيا قبال أهمسا ، والله ما غابت محاسنك لحظه لا الجرح اتنسى ، للّيله ما وشوش نسيم في روضو وما غرد مساء ، للّيله ما سافر عبير في الطيب يغازل نرجسه، للّيله يا حبي الكبير في حرقه لافيني الأسى..
{{ التجاني سعيد }}

● {يا جوبا مالك علي أنا ، جوبا شلتي عينيا أنا}▪︎صوره: من جوبا عاصمة جنوب السودان..