أصداء كلام في وجه الصباح وعلى الهواء الطلق.. التوقيع: لايزال صوتك الفرح:

🟢 عجبتني هذه الحكمة :
▪︎ لا تحاول إقناع القرد بأن التُفاح ألذ من الموز ، ولكن حاول إقناع نفسك بأنه لا دخل لك بما يحب القرد .

♦️ من أقوالهم:
●مسيرة الإنقاذ ليس فيها ما يخجل أبدا.
{{الرئيس المخلوع عمر البشير}}
▪︎وتعليق مقتضب من صديقي الساخر أب زرد { بصراحة بااالغت..بااالغت في دي يا بشه}

♦️ من أرشيف الدفاتر القديمة:{كلام في الصميم}:
▪︎يا اخي ما ممكن يجي واحد أهبل ويقول ليك نحن ما بنفرط في الدين و ما بنتنازل عن الشريعة الإسلامية وكأن المدنية يعني بكرة المساجد الناس حيقلبوها بارات ، وأي واحد مسلم بعد بكرة يلبس صليب ويمشي الكنيسة..
▪︎ يا اخي السودان ده حكموهوا الإنجليز الكفار تمانية وخمسين سنة، سمعتوا بي زول مسلم ارتد. سمعتوا بي جامع قلبوهوا أنداية..
▪︎ يا اخي من السودان ده إتأسس مافي مسلم ارتد إلا البنت إلاسمها (أبرار) وأرتدت في زمن حكومة الكيزان دي زاتها سنة 2014 وحكموا عليها بالإعدام وفقا للشريعة الإسلامية ، وتم الغاء الحكم ليس لعدم صحته،ولكن خوفا من المجتمع الدولي وليس من الله..
▪︎ وين ناس نصرة الشريعة الوقت داك ما فجروا القصر الجمهوري، ليه ما شالوا السلاح ضد عمر البشير لي شنو؟ أبرار دي تم إطلاق سراحها وخرجت من مطار الخرطوم نهارا جهارا واستقبلها بابا الفاتيكان علي مرائ ومسمع كل السودانيين وأنصار الشريعة، وناس عبد الحي وعبدة السلطة وتجار الدين والكيزان ومن لف لفهم، أبرار دي قصتها كانت قبل سنوات ما بعيده، وخلي أي واحد من رجال الدين الموجودين الآن يقول ما كان مولود ، أو ما كان وصل عمر التكليف سنة الفين واربعتاطشر…
▪︎ منو القال ليكم مدنية يعني تخلي دينك . طيب اخوانا السودانيين المهاجرين في دول اوربية أو كافرة حصل واحد فيهم جاكم راجع مسيحي؟ حصل واحد جاب ليكم ولدوا الاتولد هناك لابس صليب؟
((د أحمد الطيب إبراهيم ))

🌿 🔹 رجفة قلم 🔹🌿
● { الله لا كسب الأشرار من المهوسين والأوباش اللي حرمونا من شهقة نسمة في مقرن النيلين يا اخي}
▪︎يا أرض الحبيب كم لي فيك غرام ، كم لي فيك شجون كل ما أكون بعيد .. ما حبيت سواك وأنت النيل حداك وصافي يفيض زلال.. شوقي اليك طال، شوقي اليك طال، قل لي متين اراك
{{ مبارك المغربي }}

💚نخلة على الجدول:
▪︎ يظهر الشيخ محجوب تلهفّه على شراء النخلة ذات البنات الخمس، التي يسميّها السودانيون في الشمال (الأساسق)وقد قامت وسطها النخلة الأم، ممشُوقة متغطرسة تتلاعب بغدائرها النسمات الباردة التي هبت من الشمال، تحمل قطرات من مياه النيل..
{{ الطيب صالح }}