أصداء كلام في وجه الصباح وعلى الهواء الطلق.. التوقيع: لا يزال صوتك الفرح

🔴 من سجل فساد الإنقاذ:
● في أغسطس عام ٢٠٢٠م طالبت والي ولاية نهر النيل الدكتوره آمنة أحمد المكي، بإيقاف منح التصاديق لشركات التعدين بالولاية بجميع مسمياتها ، إلى جانب إيقاف التصاديق للتعدين الأهلي، حتى نهاية العام ٢٠٢٠م. من المعروف أن ولاية نهر النيل تنتج نسبة ( 80%) من ذهب البلاد ، وأكدت الوالي أن ذهب الولاية (منهوب) وأن خطوة إيقاف تصاديق التعدين تأتي في إطار حصر لإعداد شركات التنقيب والمعدنين، لعدم وجود إحصائيات رسمية عن عدد الشركات العاملة في التعدين بالولاية، ولوضع ضوابط جديدة وإجراءات مشددة لمنع دخول الأجانب إلى مناطق التعدين الأهلي. وطالبت بإنشاء قوات أمنية لمكافحة تهريب الذهب.
📌 كان رد الفعل لقرارات الوالي الإصلاحية أن تكالبت ضدها عصابات شبكات التهريب المنظمه عبر القارات، فقد غاب بإيعاز من جهات سيادية عليا أعضاء اللجنة الأمنية بولايه نهر النيل عن حضور الاجتماع الذي كان قد دعت إليه لمناقشة قراراتها، وأعقب ذلك انسحاب وحدات الشرطة والجيش من حراسةجميع نقاط التأمين بصورة مفاجئة، ونتج عن الفراغ الأمني نهب رواتب الموظفين من خزينة معتمدية أبو حمد.وضاعت صيحات الدكتورة آمنه بت الفكي الغيورة على الوطن في أودية الصمت المرة لتواصل عصابة الفساد في تهريب الذهب وعلى عينك يا تاجر وتحت حماية رؤوس المافيا في أعلى هرم السلطه في بلادنا المنكوبة ببعض من أبنائها العاقين { فمن أمن العقاب أساء الأدب }..

♦️حباً وكرامة:
★بقلم الغائب الحاضر { د.الكوباني}
▪︎▪︎(٢/١)▪︎▪︎
●انتشرت في بعض الوسائط بعض الصور ومقاطع الفيديو والتي قام ببثها بعض الرمم بعد تحويرها، 😡 مثلا الفيديو بتاع واحد مسكين مريض نفسي وفاقد الأهلية وجاري عريان وكاتبين على الفيديو (سوداني جاري عريان احتفالا بالمدنية) مع إنو كمية الناس الكانوا مرضى نفسيين ولافيين عريانين في الشوارع أصلا ما ظهروا بكثرة إلا في زمن الكيزان الردئ😡،حتى بتذكر في التسعينات المجنون العريان بتاع السوق الشعبي، وده كان متخصص إنو يجي للواحد على حين غفلة ويصقعو كف صاموتي لمن أضنيهو يطقطقن ويصنن.أها المضروب يعاين يلقى الزول الأداهو كف عريان أمفكو ومولاي كما خلقتني يعرف إنو ده مجنون ومعذور (وكمان الشغلانة ذاتا صعبة تتشاكل وتتعارك مع زول عريان وكده🙈 ، وحتى لو حاول يتشاكل معاهو ناس السوق بتلموا ويطيبوا خاطرو ويقولوا ليهو ياااخ ده راجل مريض نفسي معروف كدي عاين ليهو وخليك أنت العاقل. أها الزول يأكل الكف في خاطرو وحنانو ويطلب الله وإمكن يراجع طبيب الأذن بعد الكف الزيّ كباية الشربوت القديم😅
● أها في مرة كده وصاحبنا المجنون العريان مستمتع بكفيت الناس في السوق، قام على التعترو كفت ليهو واحد متعافي طول وعرض قوي لمن جفونو ذااتو معضلة ، وفوق ده كلو(دقاق جد زي ما بقول حبيبنا هيما (😜😂)، ااها المجنون اتمغا وقشط المتعافي ده كف زي الكف (قال ليك صوتو زي بداية الرعد ششششططررااق 😳، لكن زولنا المتعافي اكل الكف واتحمل.ووحاتكم مسك المجنون العريان ووتبو وتيب الجن (قال ليك دق حصان كارو شغال عشرين ما ادقاهو😂 لمن صاحبنا المجنون بقا يكورك(يا زول فكني، يا زول اقيف ، يا زول مجنون انا ولا انت😳😢، لكن المتعافي واصل كفاحو لحدي ما المجنون رقد سلطة والغمرة الياها، وبعدها جابوه لينا في حوادث العظام بكسور متعددة في الجسم بالاضافة لارتجاج شديد في المخ المهم بعد ( 3 ) يوم وأول ما وعى من الغيبوبة في عنبر المخ والاعصاب عندنا في حوادث العظام وكان مغطى بملايات، اول حاجة عملها رفع الملايات وكشف لنفسو، وطوالي كورك وقال للممرض:
(بالله لو سمحت يا ابن العم جيبوا لي سروال😳 ود ام زقده عِقل😂😂
●نعم أحبابي:سيواصل بعض اذناب الكيزان حربهم القذرة بهذه الطرق الوضيعة في إيهام الناس ، وكأنما كان السودان هو مجتمع المدينة الفاضلة في عهدهم الفاسد عندما تم نهب وسرقة الخيرات وتدمير اقتصاد السودان لدرجة اصبحنا نعتمد على المنح والصدقات والاغاثات وكلهم برئيسهم شايلين قرعتهم ويشحدوا في الدول😡
{{ دكتور علي الكوباني}}

🟢 بوووح :
▪︎ هن كما الافلاك في سماهن، هن بروج البدرين حماهن، ما في خاين طالن رماهن، دارت الايام وهن كما هن، مترفات ناعمات بانتماهن،هن خزاين الدر بين لماهن،المسك والراح والزلال..
{{ عبيد عبد الرحمن}}

💚 رجفة قلم 💚
▪︎ لا تنبش الماضي البعيد ألم تكن يوماً لقلبي واقعاً مجهولا لا تنكأ الجُرح القديمَ فإنني ودعتُ ليلاً مظلماً وثقيلا ، وحملتُ روحي في فؤادٍ نازفٍ ما زال يحمل نصفهُ مشلولاً.وخلعتُ أثواب الحداد أما كفي إذ صار قلبك في الهوي ضِلّيلاً ..
▪︎ غدّار دموعك ما بتفيد لي زول حواسّو إتحجرت، جرّب معاك كل السبل إيديهو ليك ما قصرت ، حطمت في قلبو الأمل كل الأماني الخدّرت ، كلماتو ليك ضاعت عبس لا قدّمت لا أخّرت..
{{ مصطفى سيد أحمد }}

▪لوحه لزفة عرس نوبي ايام زمان